Qeqertaaqqat Grækenlandimi Rhodosimi Unammiuaarneranni ulloq unammiffiusoq siulleq nunatsinneersunit ingerlalluarfiuvoq, sølvimik ujaminnattoqarmat.
Kim Godtfredsen halvmaratonimi ajugaasumut tulliulluni apuuppoq taamalu sølvimik ujaminnalluni, holdikkaarlunilu unammiffiutigimmat Kalaallit Nunaat sølvimik ujaminnaqqippoq arpattartoq nunatsinneersoq Stig Brahe Sørensen normu 5-itut inissikkami.
Holdikkaarluni unamminermi ajugaasut tassaapput Bermuda, ajugaasorlumi aamma Bermudaminngaanneersuulluni. Terrance Armstrong ajugaasuuvoq.
Unamminerit allat aamma ingerlanneqarput. Nerrivimmi arsaararnermi Kalaallit Nunaat Jersey-mut 5 – 2-mik ajorsarpoq.
Angutit volleyball-ertartut Cayman Islandimut unammimmata 3 – 0-imik ajorsarput.
