Syriap præsidentia Frankrig-imut tikippoq

Tikeraarneq oqaluttuarisaanermut pingaruteqarpoq, Frankrig-imut Europamullu ammaassineruvoq, Syriap præsidentia Paris-imukarnissani sioqqullugu apersorneqartilluni taamatut oqarpoq.

Syria nunarsuarmi nunanut allanut naleqqillugu matoqqasuuvoq. USA-p Syria pinerliiniartartut nunaattut isiginiarnartarpaa, soorlu Iran aamma Nordkorea taamatut naatsersuutigineqartut. USA-p præsident Assad pasillerpaaa islamistit pinerliiniartartaartuinik tapersersuinerarlugu.

Immami akullersuarmi nunat pisortaasa ataatsimersuarnerannut atatillugu Assad Paris-imiippoq. Naalakkersuisut siulittaasui nunallu pisortaat 50 –it ataatsimeersuarnermi peqataanissaat naatsersoortigineqarpoq, eqqartugassaasalu ilgaat immami akullersuarmi nunat nutaamik kattuffilliornissaat.