Syriami meeraaqqat qiullutik toqorartut

Inuit 900.000-t missaanniittut Syriap avannamut kippasinnerusortaaniittut angerlarsimaffimminnit decembarimili qimaasariaqarsimasut, Naalagaaffiit Peqatigiit ilisimatitsissutigaat.

Syriamiut naalakkersuisuisa sakkutuui decemberip qaammataanili annertuumik saassussinerisa kingorna, inuit 900.000-t missaanniittut Syriap avannamut kippasinnerusortaaniittut angerlarsimaffimminnit qimaasariaqarsimapput.

Naalagaaffiit Peqatigiit ataasinngornermi taama nalunaaruteqarput.

Siusinnerusukkut nalunaarugineqartunit 100.000-nik amerlanerupput.

Qiianarpallaarnera qimaasunullu ikioqqaarfiit ulikkaaqqaneri pissutigalugit meeraararpassuit toqorarsimasut, Naalagaffiit Peqatigiinnit aamma nalunaarutigineqarpoq.

 Anaanat plastikkinik ikumatitsisariaqartarput, meeqqatik kissalaartinniarlugit. Meeraaqqat inoorlaallu qiullutik toqusarput, Naalagaaffiit Peqatigiit qimaasunut ikiuiniarnermut pisortaa taama oqarpoq. Assi: Khalil Ashawi/Reuters/Ritzau Scanpix

 

- Syriap avannamut kippasinnerusortaani ajornartorsiornerujussuit amiilaarnartorujussuarmut killippput, Mark Lowcock, Naalagaaffiit Peqatigiit qimaasunut ikiuiniarnermut pisortaa taama oqarpoq.

Taassuma ilanngullugu oqaluttuaraa, arnat meeqqallu annerusumik qimaasuusut.

- Kingunerlutsitseqqapput aamma qiianartorujussuarni sinittariaqartarput, qimaasunut inissat ulikkaaqqammata, Mark Lowcock oqarpoq. Anaanat plastikkinik ikumatitsisariaqartarput, meeqqatik kissalaartinniarlugit. Meeraaqqat inoorlaallu qiullutik toqusarput, Mark oqarpoq.

Inuit tre millionit missaannik amerlatigisut Syriap avannamut kippasinnerusortaani Idlibimi najugaqarput. Taakkunannga affaat nunap immikkoortuanit allanit tassunga qimaasimapput.

Idlip Syriamiut naalakkersuisuisa sakkutuuvinit aqunneqartut kingullersaraat.

Nukappiaqqat syriamiut Syriamiut naalakkersuisuisa sakkutuuinit Aleppop eqqaaniittunit qimaasut ulimmik poorsimasut. Qimaasut Tyrkiap killeqarfiata eqqaani isumannaannerusumukarniarsaripput. Assi: Aaref Watad/AFP/Ritzau Scanpix

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat