Assi: Freedom House/Flickr Creative Commons

Syriami innuttaaasut imminnut sorsunnerat alianartumik rekordiliiffiusoq

Syriami naalagaaffiup inuisa imminnut ukiut arfineq-pingajussaat sorsunneranni alianartumik rekordiliortoqarpoq.

Meeqqammi katillugit 1106-it Syriami siorna toqutaasimasut, UNICEF-ip kisitsisaataasa takutippaat. Syriami toqutaasut Naalagaaffiit Peqatigiinnit 2014-imili nalunaarsorneqartalermatali meeqqat aatsaat taama amerlatigisut toqutaapput.

Meeqqat 59-it, nunap immikkoortuani Idlibimi sapaatip-akunneri kingulliit ingerlaneranni toqutaasimapput.

Meeqqalli amerlanerit toqutaasimanissaat ernummatigineqarsinnaasoq Unicefip oqaatigaa, Syriammi immikkoortuisa ilaannut suli apuuttoqarsinnaannginnami.

Meeqqat Syriami sorsuttoqarnerani toqutaasimasut 40 procentiisa missaat qaartartunik nunamut matoorussanit, qaartartunilluunniit suli qaarsimanngitsunit toqutaasimapput. Meeqqat timikkut tarnikkullu innarluuteqalersimasut toqutaasimasut saniatigut tuusintilippassuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat