Assi: Jens V. Nielsen

Ilulissat: Syfilisip atugaaqqilernera mianersoqqussutigineqartoq

Ilulissani inuusuttut akornanni piffissap sivikitsup iluani syfilisertunik sisamanik Ilulissani Napparsimmaveqarfik naammattoorsereerluni mianersoqqusivoq.

Inuusuttut sisamat piffissap sivikitsup iluani syfiliseqartunik Ilulissani Napparsimmaveqarfik naammattuuereerluni illersuuteqarani atoqateqartarnermut mianersoqqussuteqarpoq.

- Inuusuttuni ukiukitsunnguani syfilisi akulikilligaluttuinnartoq napparsimavimmit takusinnaavarput. Taamaattumik inuusuttut akornanni tuaviinnaq siuaruaatipallassinnaanera annilaanganartuulluni. Kinguaassiuutitigut ikeqaruit atoqateqarnaveersaarnissaq pingaaruteqarpoq, Ilulissat Napparsimaveqarfianit Ilulissat illoqarfiani aviisimut saqqummersartumut, Iluliarmiut Aviisianut, juulip qiteqqunnerani taama ilanngussaqarput.

Peqqissutsimut Ilisimatusarnermullu Naalakkersuisoqarfimmit KNR-imut ilisimatitsissutigineqarpoq Peqqinnissaqarfiup avannaani qitiusumik immikkoortortaqarfia Iluliarmiut Aviisiani ilanngussaqartariaqarsimasoq Ilulissani napparsimmaveqarfiup piffissap sivikitsup iluani syfilisertunik sisamanik naammattoorsisoqareernerata kingorna.

Ilulissani syfilisimik tunillatsissimasut allat kisitsisaatigineqarnersut Nunarpullu tamakkerlugu syfilisip qanoq atugaatiginera pillugu kisitsisinik KNR-imit suli pissarsisinnaasimanngilagut, Nunatta Nakorsaanera, ilaatigut tunillatsissimasut amerlassusaannik kisitsisaateqartoq, aasaanerani sulinngiffeqarmat.

Taamaattorli Peqqinnissaqarfiup Avannaani immikkortortaqarfianit Ilulissani syfilis atugaaqqilermat Ilulissani aviisi saqqummersartoq aqqutigalugu kinguaassiuutitigut atoqatigiinnermi imminut paarinissaq allaaserineqareersutut juulip qaammataani kaammattuutigineqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat