Sydossetia aamma Abkhasia namminersulerusupput
Georgiami nunap immikkoortui Sydossetia aamma Abkhasia namminersortuusutut akuerineqarnissaat, Ruslandimi inatsisartut Underhusimik taaneqartartut innersuussutigaat. Nutaarsiassaqartitsivik RIA taama allaaserinnippoq.
Allattoq Mads Lynge
aggustip 25-at 2008 08:42
Inatsisartut immikkoortui marluupput, Sydossetialu Abkhasialu immikkut ittumik ataatsimiinnerni ullumi oqallisaassallutik.
Sydossetia aamma Abkhasia Georgiamit 1990-ikkunni avissaarput, russilli sakkutuui tamaaniitsinneqartuarsimapput, eqqissisimatitsinissaq matumani siunertaalluni.
Sydossetia aamma Abkhasia namminersortutut ulloq manna tikillugu akuerineqarnikuunngillat.
Nunat taakku marluk namminersortunngornissartik piumasarisimavaat, nunat tamat akuersinissaat piumasaralugu. Taamatut piumasaqaateqarnerminni Kosovop Serbiamit avissaarnera assersuutiginiartarpaat.
USA, EU, aamma NATO oqarput Sydossetia aamma Abkhasia Georgiamut ilaasut.
