Sydkorea Nunatsinnut soqutiginnippoq

Sydkoreamiut atortorissaarutinik nutaalianik soorlu assiliivinnik digitalinik aamma skærme-nik LCD-nik atuisunik allanik annertuumik sanaartortuupput. Tamakkulu tunisassiat assiginngitsut ataatsimoorutigaat saaffiugassanik qaqutigoortunik taaneqartunik atuiffiugamik, taakkulu Narsap eqqaani Kuannersuarmi pigineqarput.

Sydkoreap nunanut allanut niuernermullu ministeri Kim Sun-Hwam sapaatip akunnera kingulleq Københavnimiippoq. Tassanilu nunanut allanut ministerimit Villy Søvndalimit oqaluttuunneqarpoq Nunatsinni issittumilu pisuussutinik uumaatsunik.

- Assorsuaq saffiugassat qaqutigoortut atorneqarsinnaanerat soqutigineqarpoq. Aammali imermik tunisassiornissamut tunngasut soqutigineqarput. GEUS-imiit nassuiaanneqarput periarfissanik suleqatigiiffiusinnaasunik, De Nationale Geologiske Undersøgelser for Danmark og Grønland GEUS-imut naalisarneqartartoq nittartakkamini taama allappoq.

Sydkorea-miit tikeraat nassuiaanneqarput issittumi gasseqarneranik uuliaqarneranillu. Aamma Nunatta kitaani tunumilu uuliasiorsinnaanermut tunngasunik nassuiaanneqarput. GEUS-imeersut aamma oqaluttuaraat Nunatsitassanik ujarlernissamut atuinissamullu periarfissanik tassanilu saffiugassat qaqutigoortut tikinneqarput.

EU naatsorsuisimavoq ukiut qulit tulliuttut ingerlaneranni saffiugassat qaqutigoortut nunarsuatsinni pissarsiariniarneqat ajornakusoortorujussuanngussasoq.

Greenland Minerals & Energi Narsap eqqaani Kuannersuarni misissuisoq nalunaarpoq qaqqaq taanna tusaamasaq saffiugassanik qaqutigoortunik peqartoq nunarsuarmiut pisariaqartitaasa 25 procentiinik kinguaariinni arlalinni pilersuisinnaasunik.