Swipp februaarip 28-ani atorunnaassaaq
Aningaaseriviimmi Swipp atorlugu akiliisitsisinnaanertik atorunnaarsinniarpaat, taarsiullugulu MobilePay atornialerlugu. Grønlandsbankenip nittartagaani tamanna atuarneqarsinnaavoq.
Aningaaseriviilli MobilePay atorlugu Nunatsinni akiliisitsisalersinnaanissaat aallartinnialoorsimavoq, teknikkikkut ilaatigut ajornartorsiortoqarnera matumani pissutaalluni:
- Akileeriaaseq taanna atulerniarlugu pimoorussilluta maanna aaqqiissuteqarfiginiarlugu suliniarpugut. Kalaallit Nunaanni teknikkikkut unammilligassat pissutaallutik, atuutilersitsiniarneq pisariuneruvoq, tamannalu MobilePayip maanna aaqqiissuteqarfiginiarlugu sulissutigaa. Maannalu ajuusaarutigaarput suli oqaatigisinnaannginnatsigu MobilePayip Kalaallit Nunaanni qaqugu atulersinnissaa, Grønlandsbanken tusagassiuutinut nalunaarummi taama ilaatigut allaaserisaqarpoq, imalu nangilluni:
AAMMA ATUARUK Mobilepay endnu ikke klar til Grønland
- Soorunami uggoraarput aningaaseriviit allat Swippip atorunnaarnissaa tapersersorsimammassuk, Kalaallit Nunaannimi Swipp akiliinermi atussallugu iluarineqaraluaqimmat, Grønlandsbanken oqarpoq.
Swippip atorunnaarsinneqarneratigut akileeriaaseq alla atorallarneqarsinnaavoq, akileeriaasermi My Wallet atorlugu pisiniarfinni toqqaannartumik akiliiffiusinnaasuni atorneqarsinnaavoq, soorlu Brugsenimi Kop & Kandemilu. My Wallet atorniaraanni App'i maanna Androidimik Master Cardillillu atorsinnaavaataat.
AAMMA ATUARUK GrønlandsBanken skifter Swipp ud med MobilePay
