Sverigimi Socialdemokratit siulittaasussarsiorput

Sverigimi Socialdemokratit siulittaasussarsiorniarnerminni arnamik qinigassanngortitsilerunarput – arnarlugooq taanna assortuussutaagajuttuulluinnarpoq.

Sverigimi Socialdemokratit ippassaq unnukkut ataatsimiimmata paasinarsivoq, partimi siulittaasoq, Göran Persson, ministeriusimasup Mona Sahlinip immaqa taarsissagaa, Sverigip Radioa ilisimatitsivoq.

Sahlin akuersererpoq, toqqagaassappallu tusagassiortunik ullumi kingusinnerusukkut katersortitsinermi tamanut tamanna nalunaarutigineqassaaq.

Siulittaasumut qinersinissaq partii marsimi ataatsimeersualerpat pisussaavoq.

Mona Sahlin Sverigimi politikkimi assortuussutaagajuttuuvoq.

Naalakkersuisuusimavoq, partiimini nuannarineqarluartuulluni isumalluarfigineqaraluaqaralunilu, aningaasanulli akiliissummik atuinerlukkami nuannarineerulluinnarpoq, tatigineerutiivilluni.

Siulittaasunngortussatulli piukkunneqartut allat tamarmik qujaannarmata, Mona Sahlin Mona Sahlin partiimini kingumut aatsaat taama sassartitassatut piukkunneqaqqitsigilerpoq.