Sverigimi qinersingajalerput
Sapaatip akunnera ataaseq qaangiuppat Sverigimi Riksdag-imut qinersinissaq aallartissaaq. Qineqqusaarnermilu kanngunartuliornerujussuit saqqummiunneqartarsimagaluartut, kanngunartuliornerpaasimasoq Folkpartiet kinguariangaatsiarnavianngitsoq ilimagineqartoq Sverigimi aviisit arlallit allapput.
Sapaatip-akunnerani siuliani Folkpartiimit nassuerutigineqarpoq, Folkpartiip Socialdemokratit qarasaasiaanut paasisassarsiorlutik isertuussanik paasiniaasarsimasut.
Taamaakkaluartoq Folkpartiit illuatungiuliuttutut ajorsarujussuarnavianngitsut isumasiuinerit kingulliit takutippaat.
Maannakkorpiaq Sverigimi qinersisoqaraluarpat, Socialdemokratit tapersersuisuilu ajugaaqqassagaluartut, Sverigimi aviisit allapput.
Sapaatiuppat tulliani Sverigimi qinersisoqassaaq.
