Sverigep siuttussaa ilisaritippaat
Qinersinermi partiit talerpilliit ajugaapput; Moderatit, Kristdemokratit, Centern aamma Folkparti. Sverigemi ministeriuninngussaaq Frederik Reinfeldt, taanna piviusorsiortutut pimoorussisutullu oqaatigineqarpoq. Torersuuvoq qarsaartuullunilu tamannali pillugu naalakkersuinermik suliaqartut taassuminnga isumaqatigiinninngitsut ”sarajattumik” ateqaaseqartippaat:
Moderatit inuusuttortaasa 1990-kkunni siulittaasorigallarmassuk socialdemokratit inuusuttortaasa: sarajattumik aterusitaartippaat. Frederik Reinfeldt parteeqatiminit piviusorsiortutut, eqqarsarluartartutut, tusarnaarsinnaasutut, peqqissaarussisutullu taaneqartarpoq. Inuttaatalu nammineq angerlarsimaffimminni eqqiaanissi nuannaralugu oqaluttuarsimavoq.
18-inik ukioqarlunili partiimi ilaasortaavoq, kommunimut qinigaasarluni 26-inillu ukioqarlunili Sverigemi inatsisartuni ilaasortaalerpoq. Maanna 41-inik ukioqarpoq taamaalillunilu Sverigemi ministeriusartuni ukiunnerpaanut ilaalluni ministeriuninngortussanngorluni. Nuliaqarpoq pingasunillu meeraqarluni. Nulia Stockholmimi kommunalbestyrelsemi ilaasortaavoq.
1994-imi moderatit siulittaasorisimasaanik isornartorsiuinermi kingorna parteeqatiminit nuannarineerutingajavikkami naalakkersuinermik suliaqarnini taamaatingajavippaa. Tunniutiinnarusunnginnamili kommunalbestyrelsemi partiimi ilaasortaaqatini ikiortigalugit nukittorsarpoq, maanna iluaqutigilluakkaminik. Sverigemi socialdemokratit ukiuni aqqaneq-marlunni siuttuusimasut partiinilu ajungaaffigaat:
Frederik Reinfeldtip angajoqqaavi namminersortuupput. Angajoqqaami namminersortut ilungersorlutik napaniarat qanimut misigisimallugu oqartarpoq. Aningaasanik aqutsinermik ilinniagartuujuvoq, taamaattorli naalakkersuinermik suliaqartuartuulluni. Partiimini moderatini siulittaasunngoramili nutarterivoq. Partiini qiterlernut qanillisarpaa sulisartullu partiianik nutaamik taasarlugu.
