Sverigep ministeriunerata Magdalena Anderssonip NATO-mut ilaasortaanissaq isumaliutigaa

Sverigep ministeriunerata Nato-mut ilaasortaanissaq ammaappaa

Ruslandip Ukrainemik sakkutuuliinerata kingornatigut isumaannaallisaanermut pissutsit allanngorput, Magdalena Andersson oqarpoq.

Sverigep ministeriunerata Magdalena Andersson-ip Sverigep Nato-mut ilaasortanngornissaa mattutinngilaa.Pingasunngornermi tv-kkut aallakaatitsivimmut SVT-mut taama oqarpoq.

Sverigep iligiit avataaniinnissaata sooq pissusissamisoorunnaarneranik  aperineqarami Andersson akivoq:

- Pissutsit taamaatsillugit suulluunniit mattunneqarnissaa pisariaqanngilaq. Sverigep isumannaannissaanut pitsaanerpaaq aalajangertariaqarparput – massakkut siunissamullu.

Sverigep isumannaannissata Nato-p ilaasortaaguni avataaniikkuniluunniit pitsaanerpaassanersoq pillugu aperineqarami toqqaannartumik akinngilaq.

- Svenskit amerlaqisut tamanna massakkorpiaq isumaliutigaat aamma uanga soorunami tamanna assut isumaliutigaara, ministeriuneq oqarpoq.

- Sverigep i sumannaannissaa pillugu apeqqutit pingaaruteqarput, taavalu isumaqarpunga aalajangiisoqartinnagu misissoqqissaarneqartariaqartoq.

Qanittukkut Andersson-ip aalajangeraluarpaa svenskit massakkut Nato-mut ilaasortanngorniarlutik qinnuteqarnissaata  ellers fast, at en svensk ansøgning om medlemskab i Nato på nuværende tidspunkt "Europap ilaa manna suli annertunerusumik aalassassimatilissagaa".

Svenskit socialdemokraatii siusinnerusukkut aalajangerput Sverigep Nato-mut ilaasortaanissaa kissaatiginagu. Kisianni Andersson naapertorlugu aalajangiussineq taanna isumannaalisaanikkut pissutsit allat nalaanni pivoq.

Ruslandip februaarip 24.-ani sakkutuuliinerata kingorna pingasunngormat isumasiuineqarmat paasinarsivoq svenskit malunnartumik amerlanerit Nato-mut ilaasortaanissaq tapersersoraat.

Dagens Nyheter-imit isumasiuinermi aperineqartut affangajaat - 46 procentit –Sverigep illersoqatigiinnissamut ilaasortanngortariaqarneranik aperineqaramik angerput. 30 procentit naaggaarput, soinnerilu qularlutik imaluunniit suli isummersimanatik.  

Kisianni Nato-mut akerliusut Finland Natomut ilaasortanngussappat isummaminnut sunniuteqassaneranik aperineqaraangamik pingajorarterutingajaasa isumartik allanngortittarpaat.

Siorna decembarimi isumasiuinermi takutinneqarpoq 31 procentit Nato-mut ilaasortaanissaq tapersersoraat 36 procent illu akerliullutik.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl