Sverigep Finlandillu NATO-mi sinniisuisa qinnuteqaatit NATO-p qullersaanut Jens Stoltenbergimut tunniuppaat.Assi: Johanna Geron/Reuters/Ritzau Scanpix

Sverigep Finlandillu NATO-mut ilaasortanngornissamut qinnuteqaatitik tunniukkaat

Sverigep Finlandillu NATO-mi sinniisuisa NATO-mut ilaasortanngornissamut qinnuteqaatitik ullumi pingasunngornermi tunniuppaat.

Sverigep Finlandillu nunat killiit illersoqatigiiffiannut NATO-mut ilaasortanngornissamut qinnuteqaatitik pisortatigoortumik ullumi tunniuppaat.

NATO-p Bruxellesimi qullersaqarfiani persuarsiutiginngikkaluarlugu tamanna immikkut ittumik ullumi pingasunngornermi malunnartinneqarpoq.

Nunat marluk taakku NATO-mi sinniisuisa qinnuteqaatit NATO-p qullersaanut Jens Stoltenbergimut tunniuppaat.

AAMMA ATUARUK Finlandip NATO-mut ilaasortanngornissaanut qinnuteqarnissamut siunnersuut akuerineqartoq

Sverigep Finlandillu qinnuteqarnerannut taanna qujassuteqarpoq, nunallu marluk taakku NATO-p iligigai oqaatigalugu, NATO-llu isumannaatsuunissaanut peqataasut aamma oqaatigalugu.

- Sverigep Finlandillu NATO-mut ilanngunniarnerat tikilluaqqungaarpara.

- Alloriarneruvoq oqaluttuarisaanermi pingaarutilik, Stoltenberg oqarpoq.

AAMMA ATUARUK Sverige NATO-mut ilaasortanngorniarluni aalajangertoq

Rusland Ukrainemik saassussimmat, Sverigep Finlandillu NATO-mut ilaasortanngorsinnaanissaat politikkikkut oqallisaalerpoq.

Sverigep Finlandillu NATO-mut ilanngunniarnerat Danmarkip nunanut allanut tunngasunut ministeriata Jeppe Kofodip aamma tikilluaqquaa.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl