Sverigemiut Danmarkimi aallartitaat nunatsinnut tikeraartoq
maajip 15-at 2006 16:18
Sverigemiut Danmarkimi aallartitaat, Lars Grundberg Nuummut ullumi tikippoq.
Tikeraarnermini ilaatigut naalakkersuisut siulittaasuat Hans Enoksen naalakkersuisunullu ilaasortaq Josef Motzfeldt ataatsimeeqatigissavai.
Aallartitaq aqagu Seqi Olivinemut alakkaassaaq – nunatsinniinnerminilu Katuamut Ilisimatusarfimmullu aamma takornariartinneqassaaq.
Lars Grundbergip inuttut soqutigisaasa ilagaat imarsiornermik oqaluttuarisaanerup paasisaqarfiginissaa, tamannalu tunngavigalugu Royal Arctic Linemut pulaarnissaq tikeraarnerani pilersaarummut ilanngunneqarsimavoq.
Pisuttuarneq Lars Grundbergip aamma soqutigisaraa tamannalumi aamma immaqa tallimanngorpat Danmarkimut angerlannginnermini angumerisinnaassavaa.