- Biilerluni nalunaaquttap akunneri marluk angullugit angallannerit periarfissaasinnaapput, Sverigep ministeriunera, Stefan Löfven, oqarpoq.Assi: Pontus Lundahl/TT/Ritzau Scanpix

Sverigemit angallattoqannginnissaanut innersuussutit juulip 15-iata tungaanut atuuttut

Sverigep iluani angallannermi killilersuinerit qasukkaamineqarput. Aatsaat pisariaqavissappat nunanut allanut angalasoqartarnissaanik innersuussutit juulip 15-iata tungaanut atuupput.

Aatsaat pisariaqavissappat nunanut allanut angalasoqartarnissaanik Sverigep nunanut allanut ministereqarfiata innersuussutini juulip ulluisa 15-iata tungaanut atuuttussanngorlugu sivitsoqqippaa. Sverigemi ministeriuneq Stefan Löfven taama oqartoq, nutaarsiassaqartitsivik TT allappoq.

Sverigep iluani angallannermi killilersuinerit taassuma saniatigut qasukkaamineqarput.

- Biilerluni nalunaaquttap akunneri marluk angullugit angallannerit periarfissaasinnaapput, Stefan Löfven oqarpoq.

Angallannermi isumatusaarlunilu mianersortoqarnissaa taassuma kajumissaarutigaa.

AAMMA ATUARUK Namminersorlutik Oqartussat: Nunatsinniit angalasoqaqqissinnaalerpoq

Naalakkersuisut siulittaasuata Kim Kielsenip nunatta ammaqqikkiartuuaarnissaanut pilersaarutit tusagassiortunik ullumi nalunaaqutaq ataatsimut katersortitsinermi saqqummiutissavai.

Nunatsinnut angalasoqarsinnaanissaanut pillugu saqqummiussaqarniarnersoq suli ilisimaneqanngilaq.

Isummersuutit