Gassit aqqutaasa putuneqasimasut eqqaanni immap iluani qaavanilu angalaneq inerteqqutaasoq, kisartoqaqqusaanngitsoq, aqqartoqaqqusaanngitsoq aalisartoqaqqusaanngitsorlu, svenskit sinerissami nakkutiliissuutitaasa tusagassiuutinut nalunaarutaanni atuarneqarsinnaavoq.Assi: Forsvaret/Ritzau Scanpix

Sverigemi unnerluussissussaatitaasut gassip aqqutaat pinerluffigineqarsimasutut nalileraat

Sverigemi unnerluussisussaatitaasut gassit aqqutaasa putuneqarsimasut pillugit sukumiisumik maannakkut oqaaseqarusunngillat.

Gassip Østersømi aqqutai putuneqarsimasut assersorneqassasut pinerluffigineqarsimasutullu isigineqassasut, Sverigemi unnerluussissussaatitaasut aalajangerput.

- Ilungersunartorsiorfiup nalaaniippugut. Oqartussaasut arlaqartut suleqatigilluarpagut. Soqutigineqarluarnera paasivara, misissueqqaarnerilli aalllaqqaataaniippugut. Taamaattumik misissueqissaarnerit sorliit aallartinnerigut sukumiisumik oqaatigisinnaanngilara, Sverigemi unnerluussisussaatitaasoq Mats Ljungqvist tusagassiuutinut nalunaarpoq.

AAMMA ATUARUK Svenskit sakkutuuisa umiarsuaat aqqartartulik Bornholmip eqqaanukarpoq

Gassit aqqutaasa putuneqasimasut eqqaanni immap iluani qaavanilu angalaneq inerteqqutaasoq, kisartoqaqqusaanngitsoq, aqqartoqaqqusaanngitsoq aalisartoqaqqusaanngitsorlu, svenskit sinerissami nakkutiliissuutitaasa tusagassiuutinut nalunaarutaanni atuarneqarsinnaavoq.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl