Sverigemi qinersineq pissanngatigineqartoq
Naak allakkatigut qinersisimasut pisarnermiit amerlanerusimagaluartut, Sverige-p inatsisartuinut, Riksdagen-imut, qinersiartortut amerlaqaat.
Partiit naligiittorujussuummata ullumilu silageqimmat qinerseqataasorpassuupput.
Stockholmimi Kungsholmens Gymnasiumip silataani kinguleriiarlutik utaqqisorpassuupput, qinersisitsisullu 16-it ulappupput:
- Inuit qinersiartukaarrapput. Qinersivik ullaaq arfineq-pingasunut ammarmalli qinersiartortut imaaginnavipput, inuillu qiimaqaat, qinersisitsisoq Gunnar Arnoldsson Ritzau-imut oqarpoq.
Maannamut qinersiartortut qassiusimanersut oqaatigisinnaannginnerarpaa, 2002-mili qinersinermut naleqqiullugu qinersiartortut amerlanerusimanissaat ilimagaa.
Partiit saamerliit kattullutik qineqqusaarput, Alliansen for Sverige-mik taallugu. Illuatungiliuttut partiit talerperliit Moderaterna kiisalu Kristdemokratit Alliansen for Sverigelu naligiittorujussuut inunnik isumasiuinerit kingulliit takutippaat.
