Svenskit aviisiat naapertorlugu inuit pingasut peqqarniisaarniatut pasineqartut, Sverigemi isumannaallisaanermut politiit tigusarisimagaat allaatigineqarpoq.
Taakku tigusarineqarnissaat Tuluit politiivinit noqqaassutigineqarsimavoq.
Taakkunannga marluk Sverigemi Malmømeersuupput.
Inunnut taakkununnga tunngasut tamarmik isertuussaalluinnarput, Malmømilu eqqartuussiveqarfimmit A,B,C-mik taagorneqarallarlutik.
- Taamaallaat oqaatigisinnaavara, nunat tamalaat akornanni suleqateqartoqarsimasoq, Sverigemi eqqartuussiveqarfianneersoq Agneta Hilding oqarpoq.
Sverigemi isumannaallisaanermut politiit tamanna pillugu aamma oqaaseqarusunngilluinnarsimapput.