Nakorsap nappaatinik tunillaassortunik immikkut ilisimasallip atorfilittallu, Anders Tegnellip, Sverigemi periusissiaq piffissaq ungasinnerusoq eqqarsaatigalugu pitsaanerpaajusoq oqaatigisaqattaareerpaa. Sverigemili toqusut amerlanmmata imminut maanna isornartorsiornerulerpoq.Assi: Anders Wiklund/TT/Ritzau Scanpix

Sverigemi nappaatit tunillaassortut pillugit pisortaq: Coronavirusi akiornerusimasariaqaraluarparput

Nunarsuup sinnerani iliuutsit akornanniittumik maanna iliuuseqarsimassagaluarpugut. Anders Tegnell taama oqarpoq.

Sverige coronavirusimut nutaamut qanoq iliornissamik aallaqqaataaniilli pilersaarusiornerusariaqarsimagaluartoq, naalagaaffiup nappaatinik tunillaassortunik ilisimatuua, Anders Tegnell, Sveriges Radiomut oqarpoq.

- Nappaatip assinga maanna ilisimasaleriikkagut atorlugit naammattuussagutsigu, Sverigep iliuusii nunarsuullu sinnerani iliuutsit akornanniittumik iliuuseqarsimassagaluarpugut, Tegnell nutaarsiassaqartitsivimmut Ekotimut oqarpoq.

AAMMA ATUARUK Sverige nærmer sig 4000 coronaofre - og får kritik hjemmefra

Svenskit coronavirusimut akiuunnermut nunanit amerlanerpaanit periusissiarineqartunit allaanerusumik periusissiaqarnissartik aalajangerpaat.

Ilaatigut atuarfiit neriniartarfiillu matuneqanngillat.

Nakorsap nappaatinik tunillaassortunik immikkut ilisimasallip atorfilittallu, Anders Tegnellip, Sverigemi periusissiaq piffissaq ungasinnerusoq eqqarsaatigalugu pitsaanerpaajusoq oqaatigisaqattaareerpaa.

Sverigemili toqusut amerlanmmata imminut maanna isornartorsiornerulerpoq.

AAMMA ATUARUK Sverigemi coronavirusimik toqquteqartut ullup ataatsip ingerlanerani 67-iusut

Sverigimi inuit ullormut toqusut suli 50-it missaanniittarput, coronavirusilu pissutigalugu toqusimasutut maannamut nalunaarsorneqarsimasut 4468-iullutik.

- Taakku arlaatigut pinngitsoortissinnaasimanerlugit siunissamut eqqarsaatigisariaqarparput, Anders Tegnell oqarpoq.

Isummersuutit