Assi: Alex Poimos/Flickr Creative Commons

Sverigemi nakorsaq kinguaassiutitigut naapertuilluanngitsuliorsimasutut unnerluutigineqartoq

Nakorsaq svenskeq, 29-nik ukiulik nakorsiarpassuarnut - meeqqanut inersimasunullu - ukiuni pingasuni naapertuilluanngitsuliorsimasutut Stockholmimi eqqartuussivimmi unnerluutigineqarpoq.

Nakorsaq inunnut 70-inut tassa meeqqanut 52-inut inersimasunullu 18-inut kinguaassiutinut naapertuilluanngitsuliorsimasutut unnerluutigineqarpoq.

Unnerluussisussaatitaasup Ann Lidénip meeqqat marluniit aqqaneq-marlunnut ukiullit pineqarnerarpai. Unnerluussutini 18-ini inersimasortalinni meeqqanut angajoqqaanut tunngapput.

Naapertuilluanngitsuliornerit assigiinngisitaarput. Unnerluussummi allassimavoq nakorsap meeqqat nakorsarnerannut tunnganngitsumik akuaat itiallu misissortarsimagai.

Unnerluussummi ilaavoq, meeqqat nalikkaavisigut kaatortarsimagai, unnerluussisussaatitaasullu tamaammat nakorsaq meeqqamut annertuumik atornerluinerarlugu eqqartuussaassanngortippaat.

Unnerluussissutip ilaani oqarasuaammi angallattami atortoq, Sverigemi napparsimmaveqarfiit video atorlugu nakorsiartitsinermut atortugaat atorlugu naapertuilluanngitsuliornerupput.

Nakorsap oqarasuaammi atortoq atorlugu angajoqqaat meeqqami nalikkaavinik itianillu filmiliortittarpai. Unnerluussisussaatitaasullu nakorsap meeqqat timaanik taama misissuineri nakorsiarnermut tunngatillugu pissutissarsisinnaanngillaat.

Unnerluussummittaaq allassimavoq nakorsap niviarsiaraq arfineq-pingasunik ukiulik paarsani kinguaassiutaasigut annertuumik naapertuilluanngitsuliorfigisimagaa.

Naak unnerluussissutigineqartut tamarmik assigiinngisitaaraluartut nakorsaq assigiissaartumik periuseqarsimasoq, unnerluussisussaatitaasup Ann Lidénip nassuiaatigaa.

Angajoqqaat meeqqaminnik toqqusaarlutunik assingusunilluunniit anniartunik nakorsiussisarput. Angajoqqaat meeqqatik nakorsiukkaangamikkit nakorsap meeqqqap nakorsiassutaa kisiat pinnagu timaa tamarmik misissorneqarnissaa piumasarisarpaa allaat kinguaassiutaannut tunngasut ilanngullugit.

Unnerluussisussaatitaasut naapertorlugit angajoqqaat ilaat itigartitsisarput amerlasuulli misissorneqarnissaanut akuersisimallutik.

Politiassistenti Stefan Hammoroth naapertorlugu nakorsamut tunngatillugu misissuineq aallartimmat nakorsaq nunamut allamukarpoq. Nakorsarli Sverigemut tikeraarniartoq politiit tamatuma kingornatigut ilisimatinneqarput.

Nakorsaq Sverigemiit sivisuumik muluniarluni aallaqqinngitsiartoq decembarip 27-anni siorna tigusarineqartoq, Stefan Hammoroth nassuiaavoq.

Nakorsaq svenskeq 29-nik ukiulik pinngitsuunerarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat