Sverigemi kunngikkormiut erlinnartuutaat tillitat eqqaavimmi nassaarineqarunartut

Svenskit tusagassiuutaat Aftonbladet aamma SVT taama allapput.

Tillitat tassaapput kunngip niaqorutaa aamma kunngip tigumiartagaa pissaanermut ersiut Sverigep kunngiata Karl IX-p pigisimasaa, kiisalu niaqorut mikisoq nuliata dronning Kristinap atortagaa.

Angut 22-nik ukiulik suliami pasineqarpoq, marlunngornerlu eqqartuussisutigut suliarineqarnerani ulloq kingulliuvoq.
Suliarli marlunngornikkut ullaakkut unitsinneqarpoq unnerluussisup ilumoornerarmagu kunngikkormiut erlinnartuutaat nassaarineqarsimasinnaasut. SVT taama allappoq.

Tusarfiit kinaassutsiminnik taasinngitsut Aftonbladetimut oqarput tillitat - imaluunniit taakku ilaat - eqqaavimmi nassaarineqarsimasut.

Kunngikkormiut erlinnartuutaat siornali juulip 31-ani tillinianit niaqorutit taakku marluk kunngillu tigummiartagaa pissaanermut ersiut Strängnes Domkirkemit tillinneqarput.

Kunngikkormiut erlinnartuutaat Gustav Vasap ernerata Karl IX-p pigisarai. Taanna 1604-miit 1611-mi toqussi tikillugu kunngiuvoq piffissamilu tassani Danmarkip kunngia Christian IV (sorsunnermi Kalmarkrigenimik taaneqartartumi sorsuffigisimallugu.

/ritzau/