Sverigemi isumaginninnermut ministeri Nuummut tikeraassaaq

Sverigimi isumaginninnermut ministeri, Cristina Husmark Pehrsson, Nunat Avannarliit Ministeriisa aalajangersaasartuini aamma sinniisuusoq, Nuummut pisortatigoortumik ulluni marlunni ataasinngorpamiit tikeraassaaq.
aggustip 14-at 2009 07:41

Nunani Avannarlerni suleqateqarnermi oqartussaasoq, Aningaasaqarnermut Naalakkersuisoq, Palle Christiansen, aamma Naalakkersuisunut ilaasortaq, Agathe Fontain, tikeraarnermini oqaloqatigissavai.

Tikeraarneq svenskit Nunani Avannarlerni Ataatsimiititaliaata 2008-mi siulittaasuunera pillugu malitsiveqartitsiviussaaq, tassani Nunat Avannarliit, Common Concern for the Arctic - Nunat Issittormiut Suleqatigiissitai - Ilulissani isumasioqatigiillutik. Isumasioqatigiinnermi tamatumani Nunat Issittormiut innuttaasalu ajornartorsiutigisaat EU-p Kommissionia peqatigalugu ilaatigut oqallisigineqarput.

Sverige EU-p ministerrådiani maannakkut siulittaasuuvoq, taamaattumillu Kalaallit Nunaata suleqataanerani qulequttat pingaarnerit Cristina Husmark Pehrssonimut saqqummiunneqassapput.

- Namminersortutut akisussaafivut tamarmik Nunat Avannarliit Suleqatigiinneranni takuneqarsinnaapput. Taamaammat Nunani Avannarlerni politikkikkut oqallinnermut peqataanissamullu periarfissinneqarpugut, Aningaasaqarnermut Naalakkersuisoq, Palle Christiansen, oqarpoq.

Aamma tikkuarpaa Nunatta isorartussusiata angissusiatalu immikkullusooq pisussaaffeqartikkaatigut, Nunani Issittuni inuiaat siunissaq pillugu oqallisigineqarnerannut peqataanissatsinnut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq