Sverigemi issittorsuuvoq
Sverigep qeqqata avannarpasinnerusortaani Dalarnami, aqagu 36-nik ississasoq silasiortut aarlerisaarutigaat, unnukkullu 44-nik issitsigissasoq ilimasaarutigineqarluni. Taamak issitsiginissaanut pissutaatinneqarpoq allaaqqittussaammat.
Allattoq Jaaku Lyberth
januaarip 06-at 2010 07:55
Inuit uumasullu issittorujussuunissaanut pisortanit mianersoqquneqarput, taamatullu issinnissaa ulluni tulliuttuni naatsorsuutigineqarluni.
Sverigep oqaluttuarisaanerani issinnerpaajummat 49-nik issitsigivoq tamannalu pivoq ukioq 1951-imi 1999-imilu. Ukiuni taakkunani isserujussuallarmat, issinnerpaaffia Sverigep avannaarpiarsuani qaasuitsup avannaanni uuttortarneqarpoq.
