Sverigemi inatsisartunut ullumi qinersisoqarpoq
Sverigimi siusinaarluni qinersisoqarsinnaavoq. Taamaalilluni qinersiviit Sverigimi ullaaq arfineq pingasunut ammarneqarmata qinersisinnaasunit 7,1 millioniusunit 2 millionit missaat qinersereersimapput.
Ministeriuneq Fredrik Reinfeldt Sverigip oqaluttuarisaanerani talerperliit naalakkersuisuutitaanni siullerpaalluni ministeriunertut qinigaaqqikkusuppoq.
Illuatungiliuttut ministeriuninngortussatut qinigassanngortitaata Socialdemokratiusup Mona Sahlinip partiia, taamaallaat 30 procentit ataallugit taaguunneqarnissaa ilimagineqarpoq.
Taama pisoqassappat Socialdemokratit siulittaasuattut tunuartariaqassagunarpoq, taamalu partiimi tassani siulittaasuusartuni siullerpaalluni ministeriuninngunngitsuussalluni.
Partii alla oqaluuserineqaqisoq nunasisunut akerliuniartoq Sverigedemokraterne, 4 procentit sinnerlugit taaguunneqaruni inatsisartuni ilaasortaatitaqalissaaq, qinersisartunillu isumasiuinerit naapertorlugit, naalakkersuisunngortitsinissami aalajangiisunngoriaannaalluni.
Sverigimi inatsisartunut ilaasortanngortussat 349-uusussaapput.