Sverigemi illoqarfik Qullissatut matuneqalerpoq

Sverigep avannaani illoqarfik Kiruna 18.000-inik innuttaqartoq nuunneqartussanngorpoq.
Allattoq Jaaku Lyberth
juunip 24-at 2010 10:14

Saviminissaq piiarneqartussaq illoqarfiup Kirunap nalaanippoq, saviminissaq piiarneqarluni qaartiterisoqalerpat illut aseruatiternissaat ernummatigineqarpoq.

Kirunami aqutsisut ataasinngormat ataatsimiinnerminni aalajangerput Kiruna maannakkut inigisaminit kangisinnerusumut nuunneqassasoq, aviisi Dagens Nyheter taamatut allaaserisaqarpoq.

Savinissamik piianeq aallartinneqarpat Kirunap aammaarlugu nuunneqarnissaa naatsorsuutigineqarsinnaasoq, Kirunap borgmesteria Kenneth Stålnacke oqarpoq,

Illoqarfiup Kirunap allamut nuunneqarnissaa ukioq 2004-mi aalajangiunneqarpoq. Sumorpiaq nuunneqarnissaa pillugu illoqarfiup aqutsisui ataasinngormat aalajangiipput.

Kirunap innuttai illutaalu ukiut 20-30-t tulliuttut ingerlaneranni nutserneqassapput. Illut nuunneqartussat siulliit ukiut arlaqanngitsut qaangiuppata nuunneqassapput.

Kirunap innuttaasa illutaasalu nuunneqarnerat aatsitassarsiutileqatigiiffiup LKAB-ip akilertussaavai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq