Sverige-mi meeqqat qinngasaarisartut atuarfimmiit peersitaasarnerat

Atuartut atuaqatiminnik qinngasaarisartut atuarfimminngaanniit pinngitsaaliissummik peersitaasalernissaat Sverigemi nunanut allanut ministerip Jan Björklundip inerteqqutaajunnaarsinniarpaa. Taama Svenska Dagbladet ullumi allaaserinnippoq.

Suliassaq soqutigineqalerpoq Robertsfors-imi atuarfik siorna decemberimi atuartut piffissami sivitsortumi atuarfimminni atuaqatiminnik ilaatigut Internettikkut qinngasaarisarsimasut atuarfimmit peersinneqarnissaannik aalajangermalli. Nukappiaqqat pingasut angajoqqaavi naammagittaalliorput eqqartuussivillu aalajangerluni atuarfimmit peersitsineq atuarfinnullu allanut pinngitsaaliissummik nuutitsineq inatsisinik unioqqutitsinerusoq.

Maannali Jan Björklund-ip, maannamut malittarisassanut isornartorsiueqisup, atuartut atuartunik allanik qinngasaarisarsimappata atuarfinnut allanut nuutinneqartarnissaat periarfissinnialerpaa.

- Atuarfiup siulersuisui atuartunik nuutitsinissamut pisinnaatitaasariaqarput angajoqqaat kissaatigisaannut tamanna akerliugaluarpalluunniit, anguniagarineqartoq tassaassappat atuartut allat illersorneqarnissaat, svenskit nunanut allanut ministeriat aviisimut taama oqarpoq.