Sverigemi anorimik nukissiuutit amerlissamaangaarmata innaallagissiorneq ukiut qulit tulliit ingerlanerini quleriaammik annertuseriassangatinneqarpoq.
Anorip nukinganik innaallagissiorneq ullumikkut 1 milliard kilowatt-timiuvoq, naatsorsuutigineqarporlu quleriaatinngorumaartoq. Anorip nukinganik innaallagissiorfiit svenskit aningaasaannik 50 milliarder koruuninik aningaasaliinissaminnut piareersimapput.
Taama nalunaaruteqarput anorip nukinganik innaallagissiorfissuit kattuffissuat Svensk Energi. Taakku naatsorsuutigaat suliffiit nutaat tusind-ilippassuit pilersinneqarumaartut.
Sverigemi anorip nukinganik innaallagissiorfinnik amerlanerusunik pilersitsiniartoqarnera, pinngortitap nukiinik atuinerulernissamik siunertaqarpoq.