Nunatta ujararinngisaa atorlugu nuummi Nuutoqqami tinittarnerup nalaanut ujararujussuarmik sverigermeersumik “Sassuma Arnaa” takorloorlugu ilusilersukkamik ukiaru inissiisoqarniarnera, nunatta oqaluttuarisaaneranik ilisimasaqartut ilaata Karls Elias Olsenip eqqumiigaa.
Taanna isumaqarpoq ilusilersugassaq nunatta ujaaraa artorlugu suliarineqarsinnaagaluartoq.
- Nunarput qaarsuinnangajssuummat ujaqqanillu naammattorsuarnik pissaqaratta, nunatta pissaritaanik atuisariaqaraluarpugut.
Sassuma Arnaa assilillugu ilusilersugassap sverigemeersuunera, Kalaallit guutisiorfiisa pingaarnerpaat ilaannut tassalu Sassuma Arnaanut allaat kanngutaatsuliorfiginninnertut nalilertariaqartoq; Karl Elias Olsen isumaqarpoq.
- Oqaluttuarisaanitsinni Kalaallit guutisiorfitoqaannut innimiilliorneruvoq imaluunniit ataqqinninnginnerulluni, Sassumap Arnna ujaqqamit nunamit allameersumit ilusilersorneqarmat. Suliarineqarnissaanut aalajangertoqareersorlu aatsaat nalunaartoqarpoq, akueriinnarneqarsinnaanngilarli taama pissusilersorneq, Karl Elias Olsen uparuaavoq.