Silaannarmit assilisamit uani sapaatit akunnerani kingulermi assilisami takuneqarsinnaavoq, gassit aqqutaat marluk Ruslandimit Europamut pilersuisut putuneqarsimasut.Assi: RitzauScanpix

Svenskit sakkutuuisa umiarsuaat aqqartartulik Bornholmip eqqaanukarpoq

Svenskit sakkutuuisa umiarsuaat Borholmip imartaanukaarpoq, tamaani gassit aqqutaat arlaqartut putunikuupput.

Svenskit sakkuuisa umiarsuaasa annersaat " Belos" Østersømi gassit aqqutaat sapaatit akunnerani kingullermi ajoqusertut Nordstream1-ip aamma 2-ip eqqaanukarput.

Angallatit umiarsuilllu nakkutilliisarfiani vesselfinder.com-imi takuneqarsinnaasoq, aviisimi Jyllandspostenimi allaaserineqarpoq.

Aviisip Jyllandspostenip allaaserisaa naapertorlugu sakkutuut umiarsuaat aqqartartunik annaassiniartartuuvoq.

Umiarsuaq atortorissaaruteqarpoq gassit aaqqutaasa ajoqusersimaneri takuneqaasinnaallutik.

Umiarsuarmi kraneqarpoq aqqartartoqarluni assiliiissutilinik.

AAMMA ATUARUK CO2 aniasoq Danmarkip ukiumut aniatittagaata 32 procentiatut annertutigisoq

Danskit sakkutuuisa umiarsuaat. Absalon aamma Esben Snare Bornholmip eqqaaniipput.

Gassit aqqutai marluk sapaatit akunnerata naanerani gassinik aniatitsiunnnaarput.

Danmarkimi nukissiuutinik aqutsisoqarfiup pingasunngormat nalunaarutigaa, gassit aqqutaasa misissorneqarnerat sapaatit akunnerani uani aallartinneqarsinnaasut.

Kikkut imaluunniit qanoq iliorluni Østersømi gassit aqqutaasa ajoquserneqarlutik putuneqarsimaneri suli uppernarsarneqanngilaq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl