Svenskit politikerii avissaartuuttut
Sverige Natomut ilaasortanngorniarluni aalajangeraluartorlu, Sverigemi politikkikkut maanna inissisimaffik ulluni makkunani avissaartuuffiuvoq,
Sverigep ministeriunera socialdemokraatiusoq Magdalena Anderson Centerpartiillu siuttuat Annie Lööf amerikamiut angallassuannut sorsuummut timmisartunut mittarfiutigisumut Stockholmillu sissiugaani talinngasumut qaaqqusaapput
Konservativelli siuttuat Ulf Kristersson partiimi Moderaternameersoq katerisimaarnermut tassanga qaaqquneqanngilaq.
Taassumami socialdemokraatit inatsiseqarnikkut nunallu iluani ministeri Morgan Jahansson uppiteriaraluarsimavaa
Magdalena Anderssonillu amerikamiut angallassuanni pulaartilluni taanna pillugu uparuaavoq.
Ulf Kristensenimi siusinnerusukkut oqarsimavoq, Sverige suleqatiginnittariaqartoq taamallu oqariarluni ullualunnguit qaangiummata ministeri uppiteriaraluarlugu, ministerilu taanna tassaavoq suliap ineriartorneranut akisussaasuusoq. Taamaalimmallu taassuma tassaniiginnarnissaa tulluarsorineqarunnaarpoq.
Aaqqiagiinnginneq
Magdalena Andersson sisamanngormat aarlerisaaraluni oqarpoq Morgan Johansen uppitinneqarpat naalakkersuisooqatigiit ajunngitsumik ingerlalissagaluartut.
Sverigemimi partiit sisamat Moderaterna ilaalluni inatsiseqarnermut naalakkersuisortik uparuartorpaat ilaatigut oqarlutik Sverigemi inupiloqatigiit nakuusertartut amerliartuinnarnerat pillugu, ministeri naammattumik iliuuseqanngippallaartoq, allalu pinngikkaa Sverigp Natomut ilaasortanngornissaa.
