Svenskit 2.000-it ukiut tamaasa biilit pujuannit toqquteqartarput

Aqqusinikkut ajunaartartunit taakku amerlanerujussuupput, aqqusinikkummi ajunaartut siorna 430-upput.

Umeå-mi Norrlands Universitetssjukhusimi aamma Edinburghimi Universitetimi ilisimatuut misissuineranni kingullermi tamanna paasinarsivoq.

Inuit uummatiluttut eqqugaanerusartut, misissuinermi erserpoq.

-Inuit taqqamikkut ajoqutillit biilit motooriisa pujuat sapernerusarpaat. Uummatiminnik unitoorsinnaasarput aanaartoorsinnaallutilluunniit, Norrlands Universitetsjukhusimi professori, Thomas Sandström, aviisimut Dagens Nyheterimut oqarpoq.

Ilisimatuut misissuisut erseqqissaatigaat illoqarfinni biilerpassualimmi tamanna ajornartorsiutaanerpaasoq.

-Inuit uummamminnik ajornartorsiuteqartut timigissarlutik arpallutilluunniit sungiusartartussaapput, kisianni illoqarfissuarni biilerpassualimmiunngitsoq, imaluunniit aqqusinerni biilerpassualimmi, Thomas Sandström oqarpoq.