Inngikitsulimmi aput sisummat tyskit marluk ajunaartut
Inngikitsulimmi aput sisummat tyskisut innuttaasuseqartut marluk ajunaarput. Norgemi oqartussaasut taama nalunaarput.
Tyskit ajunaartut russit takornarianik angallassisarfiata Arctic Travel Companyp aaqqissugaanik angalatillutik Inngikitsulimmi illoqarfeeqqap Barensburgip eqqaani aput annertooq sisummat nassataritipput.
Takornariat nunanit allaaneersut tallimaallutik, russit takornarianik angallassisartuinit marlunnit angallanneqartillutik tyskit marluk ajunaarput.
Tyskit toqungasut nassaarineqartut
- Nalunaaqutaq pingasut sioqqutilaaraa nalunaarfigineqarpugut qulimiguulimmillu aallartitsilluta, Norgemiut naalakkersuisuisa Inngikitsulimmi sinniisuutitaa avisimut VG-mut oqarpoq.
Matoorussaasut ujarneqarneranni qulimiguullit marluk qimmillu apummit matoorussaasimasunik ujaasisartut ikiortigineqarput.
Ajunaarfisumut apuunnermi, tyskit marluk toqusimasutut nalunaarutigineqarput.
Ajunaarneq pivoq Fridtjofbreenip eqqaanni illoqarfeeqap Barentburgip qanittuani.
Illoqarfeeraq Barentburg 450 -nik innuttaqarpoq, taanna SInngikitsulimmi inoqarfiit anginersaannit Longyarbyenip avannamut kimmut 60 kilometerisut ungasitsigisumiippoq.
Illoqarfimmi tassani innutaasut amerlanerit Ruslandiminngaannersuupput Ukrainemeersuullutillu.
