Sunrise Nuummi pulaarneqarsinnaavoq

aggustip 05-at 2005 13:34

Greenpeace-p umiarsuaa Arctic Sunrise sinerissami angalaartoq, sapaatiuppat innuttaasunit pulaarneqarsinnaavoq.

Kalaallit Nunaata sineriaani silap pissusiata allanngoriartorneranik takussutissiisinnaasut angallavigaavut, taama oqarpoq Greenpeacep umiarsuaani Arctic Sunrise-mi suleqataasut ilaat Mads Christensen.

Taanna nassuiaavoq, angalanerminni tunumi sermersuaq misissorsimagitsik. Taamatuttaaq sermersuup aakkiartornera pillugu misissuillutik. Maannalu Qeqertarsuup tunuanut ingerlaarnerminni aqagu Nuummut aqqusaassallutik.

Mads Christensen oqarpoq, Nuummi sapaatiuppat nalunaaqutaq quliniit sisamat tungaanut, silap pissusiata allanngoriartorneranik soqutiginnittunut umiarsuaq ammatinniaritsik.

Arctic Sunrise Islandimi Reykjavikkimiit juunip 24-iani aallarpoq. Nunatsinni silap pissusiata allanngoriartorneranik ilisimatuut misissuisussat ilaasoralugit.