Sunngiffimmi piniarnermut allagartat amerlasuupilussuit suli akilerneqanngitsut
Aasaq manna ukiarulu umimmanniarnissamut tuttunniarnissamullu akuersissummik tunineqarnissamut periarfissaqassagaanni, sunngiffimmi piniarnermut allagartaq maajip aallaqqaataa nallertinnagu akilerneqareersimassaaq. Taamaakkaluartoq sunngiffimmi piniarnermut allagartamik nassinneqarsimasut pingasuugaangata ataaseq suli akiliisimanngilaq, aalisarnermut piniarnermullu naalakkersuisoqarfik taama ilisimatitsivoq.
- Sunngiffimmi piniarnermut allagartat sananeqarsimasut nassiunneqartullu 1436-it taamaalillutik suli akilerneqarsimanngillat, naalakkersuisoqarfik tusagassiorfinnut nalunaarummi taama allappoq.
Sunngiffimmi piniarnermut allagartat katillugit 4547-t naalakkersuisoqarfiup nassiussimavaa, taakkunanngali piffissaliussaq nallertinnagu akileereersimasussat suli 1436-ullutik.
