Sungiusaasullammaat

Nuunu ukiuni 22-ni meeqqanut inuusuttuaqqanullu sungiusaasuuvoq. Meeqqat isikkamik arsartartut 2008-mi sungiusartalerpai, aamma ukiuni kingullerni marlunni utoqqasaat timersortittarlugit.

- Nuunu suliaminut tunniusimalluartuuvoq meeqqanullu ammasumik kiinnertarluni. Meeqqattaaq peqqinnerusumik inuunissaanik siunnersorluartarlugit, siulittaasoq Nuka Kleemann tunngavilersuinermini ilaatigut taama oqarpoq.

Erik Jensen ukiuni arlaqalersuni S.A.K-p assammik arsartartuini eqimattani assigiinngitsuni sungiusaasuuvoq, aamma arnat assammik arsartartut ukiuni sisamani kingullerni sungiusaasuuffigalugit.

- Erik sunngiffimmini piffissaq annertooq atorlugu peqatigiiffilerisarpoq, suliaminut aalajaatsuuvoq, suleqatiminit ataqqineqarluni, aningaasaliisussarsiorneq annertuumik ingerlattarlugu, Kalaallit Nunaanni Timersoqatigiit Kattuffianni siulittaasoq Nuka Kleemann ilaatigut taama oqarpoq.