Sungiusaasoq: Unammisartut naligiittorujussuupput
Nuna tamakkerlugu arsaannermi sungiusaasoq Jens Tang Olesen ullumikkut unamminissat sioqqullugit oqarpoq, unammisaqattaarnerit aatsaat taama pissanganartigisut.
Taassuma maluginiarnerusimavaa Qeqertarsuarmeersut G-44 aamma Tasiusameersut Eqaluk 54, manna tikillugu unammilluartutut taaneqarsinnaasut. Taassuma aamma oqarpoq Malamuup SAK-llu ippassaq unnukkut unamminerat maannamut unamminernit pissanganarnerpaasoq.
- Kikkut semifinale-mut anngutissanersut eqqoriarusunngikkallarpara, unnugu unamminerit inernerisa takutikkumaarmassuk, nuna tamakkerlugu arsaanermi sungiusaasoq Jens Tang Olesen KNRimi suleqatitsinnut Niels Kristian Kajussenimut oqarpoq. Unamminerit KNR-Radiokkut ullumi nalunaaqutaq ataatsimiit toqqaannartumik aallakaatinneqassapput.