Sungiusaasoq ajugaarujussuarnermut tupaallattoq

Argentinap assammik arsarlutik nunanut allanut unammisartuisa, maanna finalertussanngortut, sungiusaasuat nunatsinnut semifinalimi ajugaarujussuarnissaq ilimagisimanngikkaluarpaa. Sermitsiaq.ag taama allaaserisaqarpoq.

Allattoq Jonas Fievé

juunip 24-at 2018 13:28

Nutserisoq Ivik Kristiansen

Argentinamiut Brasiliamut finalertussanngortut arfininngornermi semifinalimi nunatsinneersunut 39-17-mik ajugaagamik taama ajugaatiginertik tupaallaatigaat.

AAMMA ATUARUK Kalaallit semifinalimi ajorsartut

Argentinamiulli nunanut allanut unammisartuisa sungiusaasuat naapertorlugu, nunatsinnut unamminerminni tamaviaarsimapput, nunattalu nunanut allanut unammisartui nersualaarpai.

- Pikkorissorujussuupput. Assammik arsallaqqissuusut nalunnginnatsigu unamminnginnitsinni sivisuumik piareersarpugut. Sukkasuumik saassussisarput, saassusseriasaarnernilu amerlasuunik isertitsisarlutik. Iluatsissinnaasagulli tamaasa iluatsippagut, Manolo Cadenas Sermitsiaq.AG-mut oqarpoq.

AAMMA ATUARUK Pan Am: Nunatta Argentina ajugaaffigaa

Nunarput assammik arsarluni nunarsuarmi pissartanngorniunnermut suli anngussinnaavoq. Nunatta Chilellu ullumi bronzinnanniunneranni ajugaasoq nunarsuarmi aappaagu pissartanngorniunnermut anngutissaaq.

Bronzinnanniunneq radiukkut tv-kkullu - KNR 1-ikkut - nalunaaqutaq 13:50-imit malinnaaffigineqarsinnaavoq.

Sungiusaasoq ajugaarujussuarnermut tupaallattoq

Aamma atuaruk