Sumiorpalussutsit pissutigalugit imminnut paasisinnaanngitsut
Inuusuttut nunani tamalaaneersut siullermeerlutik inuit oqaasii pillugit ataatsimeersuarnerminni imminnut paasiniarlutik tuluttut oqaloqatigiittariaqartut, Nunatsiaq News allappoq.
Inuusuttut utoqqaanerulaartullu 20-t missaat Inuit Circumpolar Youth Council-imi oqaatsit pillugit ataatsimiinnermi peqataasut Nunatsinnit, Ruslandimit, Canadamit Alaskamillu sumiorpaluussutitik pissutigalugit imminnut paasisinnaasimanngillat.
Inuit inuusuttortaasa oqaatsimik atuutiinnarnissaannik ilungersornerminni ajornartorsiutaasa ilaat taamaalilluni erserpoq.
Assersuutigalugu Nunavumi naalakkersuisut aalajangerput Inuktitut oqaatsit 2020-miit atuutilersumik sulinermi atorneqalissasut, tamatumali anguniarnerani iliuusissatut pilersaarutit ataqatigiissarneqarnissaat amigaatigineqarpoq.
Canadami Alaskamilu ilinniartitsisut inuktitut oqaasillit amigaatigineqarput.
Nunatsinnit aallartitat ilaat, Ivaaq C. Poulsen, aperineqarpoq peqataanera inuttaanut qanoq pingaaruteqartiginersoq imalu akivoq:
- Oqaatsit atukkavut kulturitsinnut pingaaruteqarput. Anersaakkut siunnersortinniassagatta matumik ammaaqqartariaqarpugut.