Sumiissusersiuutigalutik arparratilerput

Nuummi ulluni makkunani allaanerulaartumik pisoqarpoq, tassa 'Nuummi Arpalluni Sumiissusersiortartut Peqatigiiffiat' NASP naapeqatigiissitsimmat Nuuk O-fest-imik taasamik. Nunanit allaneersut 18-it peqataapput.
Allattoq Najaaraq Egede
juunip 27-at 2011 08:18

Sumiissusersiuutigalutik arpattartoqatigiit peqatigiiffiineersut arlalissuit ulluni 14-ini unammiuaaqatigiissallutik maanna Nuummiipput.

Nuummi, Ilulissani Reykjavikimilu Arpalluni Sumiissusersiortartut Peqatigiiffiisa Nuummi naapeqatigiinneq aaqqissuussaraat.

Nunat pingasut nikittaallugit naapeqatigiiffigineqassapput, taamaalilluni timersuutigaluni pinngortitaq alutornartoq takornariarneqarsinnaalluni.

Atlantikup Avannaani Arpalluni Sumiissusissiortartut Pissartanngorniunnerat 2011 - aatsaavissuaq pisoq - Nuummi ullut qulit tulliuttut unammiuaassutigineqassaaq.

Nunanit allaneersut 18-it tikeraarineqartut nunanit ukunanngaanneersuupput: USA, Finland, Schweiz, Tyskland, Østrig, Sverige, Tjekkiet aamma Danmark.

Ukiormanna peqataasut arlallit Ilulissani Arpalluni Sumiissusersiortartut unammineranni qanittukkut pisumi peqataareernikuupput arlallillu Nuummeereerunik sapaatip-akunnerata naanerani Reykjavikimi unamminissani peqataassapput.

NASP ukiut marlussuit matuma siornagut peqatigiiffinngorpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq