Sumiissusersiutit GPS-it saniatigut immap assingi nassakkit

Imarsiornermik Ilinniarfimmi inspektørip, Erik Fleischerip, piniarnermik nakkutilliisoq Jakob Heilmann taperserpaa, taanna oqarmat imaatigut angallannermi sumiissusersiut GPS tatigisassaanngitsoq.

Jakob Heilmannip oqaasii malillugit GPS-ip tatiginanngissusianut pissutaasinnaasut tassaapput eqqoqqissaartumik nalunaarsuineq ajormat immallu assingi tunngaviusut nutaanngippallaartarnerat.

Angalagaannilu ajornartorsiut alla aamma malunnarsilersartoq, Jakob Heilmannip oqaatigaa:

- Immap assingini takuneqarsinnaapput imartat uuttortaaffigineqarsimanngitsut, soorlu Maniitsup avannaani Uummannarsuup imaani aqqutit kangerluillu iluamik nalunaarsorneqarsimanngitsut, itissusilersorneqarsimanatik.

- Uuttortakkanik aatsaat immap assinginik sanasoqarpat, sinerissap qanittuani angalaneq isumannaatsumik ingerlanneqarsinnaassaaq, Maniitsup Kommuniani piniarnermik nakkutilliisoq Jakob Heilmann oqarpoq.

Imarsiornermik Ilinniarfimmi inspektørip, Erik Fleischerip, oqaatigaa sumiissusersiut GPS tapertatut taamaallaat isigisassaasoq, angalaassagaannilu pinngitsoorani immap assinganik nassartoqartassasoq.

Erik Fleischer aamma oqarpoq ikkarlunnik nalunaarsuineq ingerlaartuartoq, tamannalu Danmarkimi Kort og Matrikelstyrelsemit ingerlanneqartartoq.

Danmarkimi imarsiornermik qullersaqarfiup ilisimatitsissutigaa Danmarkip, Savalimmiut nunattalu imartaat tamakkiisumik nalunaarsuiffiusimanngimmata, ukiunilu tulliuttuni tamanna anguneqarnavianngikkallartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat