Sumiiffiit ilaanni bilitsit inniminnerneqarsinnaalerput

Ukiup nutaap aallartinnerani nunatsinni umiarsuarmik angalaniarneq ajornakusoorsisimagaluartoq, maanna Nunatsinni sumiiffiit ilaanni umiarsuarmik angalaniartut bilitsinik inniminniisinnaalerput.

Qaqortumi Nuummi Sisimiuni Maniitsumilu umiarsuarmut ilaanissamut Tele/Post centerinik taaneqartartuni bilitsinik iniminniisoqarsinnaalerpoq.

Umiarsuarmut ilaanissanut bilitsinik tunisisinnaanerit taamaallaat pisinnaapput Pilersuisoq A/S-ip assartuiviini angallaviit akornanni angalasussani.

Assersuutigalugu Qaqortumiit, Qassimiunut, Arsummut Kangillinngunullu angalaniartut, aammalu angallaviit Nuummiit Qeqertarsuatsiaanut Kapisilinnullu angallassinerit, kiisalu Maniitsumiit Kangaamiunut, Napasumut, Atammimmut, Itillimut sarfanguanut Sisimiunullu angalaniartut kisimik Tele Post centeri aqqutigalugu bilitsinik inniminniisinnaalissapput.

Bilitsinik inniminniisinnaalerneq ullumikkut aallartippoq.

Angallassinissamut pilersaarutit nittartakkami www.KNI.gl –mi takuneqarsinnaapput.