Sumiginnakkat pillugit suleqatigiissitaq suleqqilerpoq
Meeqqat inuusuttullu sumiginnakkat pillugit Ilaqutariinnermut Pisortaqarfiup suleqatigiissitaa tulliani pingasunngorpat suleqqilissaaq.
Suleqatigiissitap siulittaasua, Pisortaqarfimmilu siunnersorti, Anni Davidsen taama nalunaaruteqarpoq.
Nunani Avannarlerni Perorsaasut oqalliffiat sakkortuumik uparuaareersorlu sulineq aallarteqqilerpoq. Suleqatigiinnilu ilaasortat ataatsimiigiaqquneqarput.
Qinersisoqarnissaa suaarutigineqarmat naalakkersuisut anguniagaat pillugit suleqatigiissitaliat suliatik unitsittariaqarsimavaat, aamma sumiginnaasarneq akiorniarlugu suleqatigiissitaq siunnersuuteqarlunilu innersuussuteqartartoq, suliaminik qaammatip missaani uninngatitsivoq.
Sulineq unitsinneqarsimanngitsoq, Anni Davidsen oqarpoq. Nunatsinni suliniutit sumut killissimanersut taamaalilluni ilisimaarineqarput.
Pisortaqarfiit meeqqanik inuusuttunillu sullissisut, kommunit, perorsaasut, ilinniartitsisullu kattuffii sinniisut suleqatigiiffimmi ilaasortaatitaqarput.
