Sumiginnagaasimasut pillugit eqqartuussisulersuipput

Perorsaasut Ilinniarsimasut Peqatigiiffiata, PIP-p, meeqqanik sumiginnaasarneq pillugu eqqartuussivilersuussinerat siulleq Nanortallip eqqartuussivianit suliarineqalerpoq.

- Sumiginnagaasimasut pillugit qinikkat sullissinerat naammaginnginnatsigu, PIP eqqartuussivilersuussivoq, PIP-mi siulittaasoq Naussúnguaq Bisgaard oqarpoq, nangipporlu:

- Meeqqat inuussuttullu pillugit Naalagaaffiit Peqatigiinni nunat assigiinngitsut aalajangersagaat unioqqutinneqarsimasorigatsigu taamatut eqqartuussivilersuussivugut, Naussúnguaq Bisgaard oqarpoq.

PIP-p eqqartuussisuseriasuata, Henrik Karl Nielsenip, Nanortallip eqqartuussivianut aggeqqusissut ippassaq nassiuppaa, neriuutaavorlu meeqqat inuusuttullu sullinneqarnerat pitsanngoriaateqassasoq:

- Meeqqat inuusuttullu sumiginnagaasimasut, meeqqallu sakkortusigaluttuinnartut amerliartortillugit, sullinneqarneri pitsaanerusumik anguneqarnissaa taanna siunertaraarput, Perorsaasut Ilinniarsimasut Peqatigiiffiata siulittaasuat Naussúnguaq Bisgaard oqarpoq.