Sumiginnaasoqanngilaq
Nanortalimmi meeqqat sumiginnakkat pillugit borgmesteri sakkortuumik qisuariaateqarpoq.
Nakorsaanerup Rune Jacobsenip kommunalbestyrelsi suliaminik sumiginnaasimasutut sulianillu kinguartiterisimasutut tusagassiuutit aqqutigalugit uparuartuinera tunngavissaqanngilluinnartoq, Nanortalimmi borgmesteri, Tage Frederiksen oqarpoq.
-Meeqqat sumiginnakkat pillugit suliat eqqartuussivitsigut sivisuumik ingerlanneqarput taamaattumik kommunalbestyrelsi suliaminik sumiginnaanngilluinnarpoq, Nanortalimmi borgmesteri, Tage Frederiksen oqarpoq.
Politiinut suliakkiinerigaluaq misissorneqareerluni sapaatip akunnerata siuliani unitsinneqarpoq.
Nakorsaanerup, Rune Jacobsenip tusagassiuutit aqqutigalugit uparuaasimanera aamma borgmesterip pissusissamisoorsorinngilaa.
Meeqqat sumiginnakkat pillugit suliat assigiinngitsut arfineq pingasuupput taakkulu pillugit borgmesteri oqaarusunnginnerarpoq. Taamaattoq meeqqat qanoq ikiorneqassanersut paasiniarlugu misissorneqartoq, borgmesteri oqarpoq.
