Sumiginnaaneq akerliuffigalugu ingerlaaqatigiittut
Meeqqat atugarisaat pillugit illoqarfiit ingerlaarfiusut tassaallutik Ilulissat, Aasiaat, Sisimiut, Nanortalik aamma Narsaq.
Ingerlaaqatigiinnerit Siumup Inuusuttunut Suleqatigiiffiinit aaqqissuunneqarput.
Siumup Inuusuttunut Suliniaqatigiiffiani siulittaasup tullia Mads Petersen taama oqarpoq.
Tamatumunnga atatillugu Ilulissani kulturip illorsuani Sermermiuni unnugu nalunaaqutaq arfineq marlunut Ilulissani pitsaaliuinermut siunnersorti peqatigalugu Siumup Inuusuttunut Suleqatigiiffiata aaqqissugaanik ataatsimiittoqassaaq. Ataatsimiinnermi ilaatigut Inatsisartunut ilaasortaq Doris Jakobsen peqataassaaq.
Nuummi tamatumunnga assingusumik novembarip 14-anni ingerlaaqatigiittoqartussaavoq, taannalu Siumup Inuusuttunut Suleqatigiiffiata peqataaffiginiaraa Mads Petersen oqarpoq.
