Sumekkut ilaasortaammi aallalersumit tusarnaatitsipput
Ilaasartaammummi ilaasussat tassaapput nipilersortartut nunatsinni nuannarineqarluartuusut Sume-kkut, taakku Qullissat 1972-imi matusaaneraniit ukiut 40-nngortorsiutigineqarnissaanut nipilersoqataajartorniarmata.
Sume-kkulli aallanngitsiarnerini Sarfaq Ittuup qaavani Sisimiormiunut immikkut tusarnaartitsissapput.
- Ulloq taanna Sarfaq Ittuk talittarfimmi annermiissinnaanissaa aaqqissuupparput, tassami Sume-kkunnik tusarnaariat tamarmik inissaqarluarniassammata, Arctic Umiaq Line-mi pisortaq Jette Larsen taama oqaluttuarpoq.
Sume-kkut Qullissanut avannamukaarnerat tamarmi filmiliortartunik malinnaavigineqassaaq, filmiliortussallu tassaallutik Inuk Silis Høegh aamma Emile Peronard.
Umiarsuaatileqatigiit Arctic Umiaq Linep Sume-kkut Qeqertarsuup Tunuanut angalaarnerat aningaasaliiffigisuuaat.
- Sume-kkut Qullissallu Nunatta oqaluttuarisaaneranut pingaaruteqartuupput, taakkumi uagut umiarsuaativut assigalugit Nunatsinni ataatsimoortitsisutoqaammata, Jette Larsen taama oqaluttuarpoq, tullianilu arfininngorpat silaginnissaa neriuutigiinnarnerarsinnaanerarlugu.
