SUME-kkut ataqqinaammik nersornaaserneqarput
Nunatsinni rockimik nipilersortartut siulliit, Sume, erinaatitoqqaminnik tusarnaartitsigaangamik suli inuppassuarnik katersuutsitsisartut ataqqinaammik nersornaaserneqarput.
Misilittagaqanngitsoq meeqqat atuarfianni suli atuartuusoq, Malik Egede, nipilersorfimmut qaqigaangami imminut Don Malikomik taasartoq ukiup saqqummersitseqqaartuatut nersornaaserneqarpoq.
Ukiumi nuannarineqarnerpaatut nersornaasigaapput Liima Inui, cd saqqummersitartik ”Pluto” nersorniarneqaatigalugu.
Naneruaq Niels Platou-mit siulersorneqartut Ukiup ingerlanerani tusarnaartitsilluarnerpaatut nersorniarneqarput.
Julie Berthelsen aamma KNR-imit nersorniarneqarpoq. Tassa Ukiup ingerlanerani KNR-imi appisimaarneqarnerpaasimanini nersornaatisissutigaa.