SUME Illu Atlantikumi nipersussapput
Nipilersortartut tusaamaneqarluartut SUME Københavnimi Illu Atlantikumi tusarnaartitsinissaannut isissutissat tamarmik tunineqareerput.
- Suliluunniit iluamik tusaqqusaarutiginngikkipput bilitsit tamarmik tunineqarput, Martin Hilker, Illu Atlantikumi atorfilik raadiuaviisimut oqarpoq.
- NAPA suleqatigalugu SUME, kalaallit nipilersortartut oqaluttuarisaaneranni ilaalluinnartut, maanga tikisissinnaasimavagut, tamanna iluatsilluartutut oqaatigineqarsinnaavoq, tassami bilitsit isissutissat 250-it tamarmik qaammat ataaseq qaangiummalli tunineqareerput, Martin Hilker oqarpoq.
Illu Atlantikup paasissutissiinermini nipilersortartut SUME-kkut Lennon-imut McCartney-mullu assersuuppai.
Tusarnaartitsinissaq sisamanngornermi novembarip 29-anni pisussaavoq.