Sumatrami nuna marloriarluni sajuppoq

Indonisiap qeqertaasa ilaanni Sumatra-mi ullumi nuna marloriarluni sakkortuumik sajummat inuit ikinnerpaamik 70-it ajunaarput, nunap immikkoortuani illoqarfiit pingaarnersaanni Padang-imi borgmesteri oqarpoq.

Sanaartukkat hundrede-likkaat aseruatitersimapput napparsimaveqarfinnilu sulisut qeqertamiittut ulappussimaqisut, pisortat sinniisaat takunnittullu oqaluttuarsimapput.

Nuna siullermeerluni sajummat richter-ip uuttuutaa malillugu 6,3-imik sakkortussuseqarsimavoq, tamannalu Singapore-mi nunallu sanilerisaani Malaysia-mi malugineqarsinnaasimavoq. Nunap sajuffiusup aallaavianinngaanniit 400 kilometerinik unngasitsisigisumiittut inuit najugaqarfigisaanniit qimarngussorneqarsimapput. Nunap sajunnera sakkukinnerusumik malitseqarsimavoq richter-ip uuttuuttaa malillugu 6,0 –mik sakkortussuseqarsimalluni, USA-imi ujarassiuut, USA´s Geologiske Undersøgelser nalunaarput.

Illoqarfimmi Padang-imi nunap sajunnerata kingorna innutaasut uippallersimapput. Malerujussuartoqarnissamik ernummateqarsimagaluarput, taamaattoqarsimanngilarli..