Suluppaakkat isumaqatigiinngissutaapput

Nunatta Savalimmiormiullu aalisarnikkut isumaqatigiinniarneri unittoorput suluppaagartassat isumaqatigiissutigineqarneq ajulermata.

Isumaqatigiinngissutigineqartoq suluppaagartassiissutaasut 62.000 tonsit agguataarnissaat.

Savalimmiormiut nunatsinnit amerlanerusunik pisassinneqarumapput, nunatsinnilu naalakkersuisut aalajangerniartussanngorpaat isumaqatigiinniarnerit ingerlariaqqissanersut.

Isumaqatigiinniarnerit massakkut killiaffiat pillugu aalaisarnermut naalakkersuisoq Finn Karlsen ilisimatinneqassasoq, Danmarkimi nunatta sinniisoqarfiani pisortaq Einar Lemche ilisimatitsivoq.

Aappaagu suluppaagartassiinissamut aalajangiisuuvoq Imarpiup avannaata kangiani aalisarnermut ataatsimiititaliarsuaq.

Nunatta avataani suluppaakkat siornamut naleqqiullutik ikinnerulersimasut, tamannalu pillugu aappaagumut 41.000 tonsinik suluppaagartassiisoqarnissaa inassutigineqartoq Pinngortitaleriffimmit ilisimatitsissutigineqarpoq.

Nunatta Savalimmiormiullu isumaqatigiinniarnerisa qaqugu nangeqqinneqarnissaat ullulerneqarsimanngilaq.